മറ്റക്കര കോളജിലേതു നഗ്നമായ നിയമ ലംഘനം: യുവജന കമ്മീഷൻ : Deepika.com Kerala News |

Click here for detailed news of all items

മറ്റക്കര കോളജിലേതു നഗ്നമായ നിയമ ലംഘനം: യുവജന കമ്മീഷൻ

Saturday, January 14, 2017 2:10 PM IST

തിരുവനന്തപുരം: കോട്ടയം മറ്റക്കരയിലെ ടോംസ് സ്വാശ്രയ എൻജിനിയറിംഗ് കോളജിൽ അടിസ്ഥാന സൗകര്യങ്ങളൊരുക്കാതെ വിദ്യാർഥികളെ പീഡിപ്പിക്കുന്ന പരിതാപകരമായ അവസ്ഥയാണ് ബോധ്യപ്പെട്ടതെന്ന് യുവജന കമ്മീഷൻ ചെയർപേഴ്സണ്‍ ചിന്ത ജെറോം. കോളജ് സന്ദർശിച്ചപ്പോൾ വിദ്യാർഥികൾ പറഞ്ഞ കാര്യങ്ങളെല്ലാം അതീവ ഗൗരവമുള്ളതാണെന്ന് ബോധ്യപ്പെട്ടതായി അവർ പറഞ്ഞു.

ഒരു സ്വാശ്രയ കോളജിന് അഫിലിയേഷൻ നൽകുമ്പോൾ ഉറപ്പായും ഉണ്ടായിരിക്കേണ്ട പ്രാഥമിക സൗകര്യങ്ങൾപോലും ആ കോളജിൽ കാണാൻ കഴിഞ്ഞില്ല. സ്വാശ്രയ കോളജിന് 10 ഏക്കർ കാമ്പസ് നിർബന്ധമായിരിക്കെ അവിടെ ഒരേക്കർ പോലും സ്വന്തമായില്ലെന്നാണ് മനസിലാക്കാൻ കഴിഞ്ഞത്. പെണ്‍കുട്ടികളുടെ ഹോസ്റ്റൽ ജീവിതം ലജ്ജാകരമാണ്. കോളജിന് അനധികൃതമായി അഫിലിയേഷൻ നൽകാനിടയായ സാഹചര്യത്തിലുൾപ്പെടെ സാങ്കേതിക സർവകലാശാലയോട് റിപ്പോർട്ട് ആവശ്യപ്പെട്ടിട്ടുണ്ട്.

അധികാരികളുടെ പീഡനംമൂലം മുൻ കാലങ്ങളിൽ കുട്ടികൾ നൽകിയ പരാതികളിൽ എന്തു നടപടി സ്വീകരിച്ചുവെന്ന് ജില്ലാ പോലീസ് മേധാവിയോടും റിപ്പോർട്ട് ആവശ്യപ്പെട്ടിട്ടുണ്ട്. ഇവ രണ്ടും ലഭിച്ചശേഷം യുവജനകമീഷൻ അന്തിമ റിപ്പോർട്ട് തയാറാക്കി തുടർ നടപടികൾ സ്വീകരിക്കുമെന്നും ചിന്ത ജെറോം അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.