അന്തർ സംസ്‌ഥാന നദീജല കരാർ: ചർച്ച പുനരാരംഭിക്കുമെന്നു മുഖ്യമന്ത്രി
അന്തർ സംസ്‌ഥാന നദീജല കരാർ: ചർച്ച പുനരാരംഭിക്കുമെന്നു മുഖ്യമന്ത്രി
Friday, September 30, 2016 12:21 PM IST
തിരുവനന്തപുരം: പറമ്പിക്കുളം– ആളിയാർ അന്തർ സംസ്‌ഥാന നദീജല കരാർ അടക്കമുള്ള കരാറുകളുടെ അടിസ്‌ഥാനത്തിൽ വെള്ളം എത്തിക്കാൻ അയൽ സംസ്‌ഥാനങ്ങളുമായുള്ള ചർച്ചകൾ പുനരാരംഭിക്കുന്നതിനുള്ള നടപടി തുടങ്ങിയതായി മുഖ്യമന്ത്രി പിണറായി വിജയൻ നിയമസഭയെ അറിയിച്ചു. തുടർ ചർച്ചകളുടെ ഭാഗമായി അനൗപചാരിക ചർച്ചകൾ ആരംഭിച്ചിട്ടുണ്ട്.

പറമ്പിക്കുളം – ആളിയാർ കരാർ പ്രകാരം ജലം എത്തിക്കണമെന്നു തമിഴ്നാടിനോട് ആവശ്യപ്പെടും. കരാർ പുനരവലോകനം ചെയ്യണമെന്നു സംസ്‌ഥാനം ആവശ്യപ്പെട്ടെങ്കിലും തമിഴ്നാടിന്റെ ഭാഗത്തുനിന്നു നടപടിയുണ്ടായിട്ടില്ല. 30 വർഷത്തിലൊരിക്കൽ കരാർ പുനരവലോകനം ചെയ്യാമെന്നാണു വ്യവസ്‌ഥ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.