കാന്‍സര്‍ പ്രതിരോധ ഗവേഷണത്തിനു വിദഗ്ധ സമിതിയെ നിയോഗിക്കും
Tuesday, June 30, 2015 12:19 AM IST
തിരുവനന്തപുരം: കാന്‍സര്‍രോഗ പ്രതിരോധ ഗവേഷണ പഠനം നടത്താന്‍ വിദഗ്ധ സമിതിയെ നിയോഗിക്കുമെന്ന് ആരോഗ്യമന്ത്രി വി.എസ്. ശിവകുമാര്‍ നിയമസഭയെ അറിയിച്ചു.

കാന്‍സര്‍ രോഗികളുടെ എണ്ണം സംസ്ഥാനത്തു ക്രമാതീതമായി വര്‍ധിക്കുന്ന സാഹചര്യത്തില്‍ കാരണങ്ങള്‍ കണ്െടത്തി തടയുന്നതിനുള്ള നിര്‍ദേശങ്ങള്‍ സമര്‍പ്പിക്കാനാണു വിദഗ്ധ സമിതിയെ നിയോഗിക്കുന്നതെന്നും വി.എസ്. സുനില്‍കുമാറിന്റെ ശ്രദ്ധക്ഷണിക്കല്‍ പ്രമേയത്തിനു മറുപടിയായി മന്ത്രി പറഞ്ഞു.

മെഡിക്കല്‍ കോളജ് ആശുപത്രികളെയെല്ലാം മിനി ആര്‍സിസികളാക്കി മാറ്റുന്നതിന്റെ ഭാഗമായി തിരുവനന്തപുരം, തൃശൂര്‍ മെഡിക്കല്‍ കോളജുകളില്‍ ലീനിയര്‍ ആക്സിലറേറ്ററുകള്‍ സ്ഥാപിക്കും. ഇതിനായി ഏഴു കോടി രൂപ നീക്കിവച്ചിട്ടുണ്ട്. തിരുവനന്തപുരത്ത് ആര്‍സിസി നിലവിലുള്ളതിനാലാണു മെഡിക്കല്‍ കോളജില്‍ ലീനിയര്‍ ആക്സിലറേറ്റര്‍ സ്ഥാപിക്കാതിരുന്നത്. ആര്‍സിസിയില്‍ രോഗികളുടെ എണ്ണം വര്‍ധിക്കുന്ന സാഹചര്യത്തിലാണു നടപടി.


കൊച്ചിയില്‍ കാന്‍സര്‍ ആന്‍ഡ് റിസര്‍ച്ച് ഇന്‍സ്റിറ്റ്യൂട്ട് നിര്‍മിക്കുന്നതിനുള്ള നടപടി ഉടന്‍ തുടങ്ങും. സ്വകാര്യ പങ്കാളിത്തത്തോടെയാണു നിര്‍മാണം.

കാന്‍സര്‍ ഇന്‍സ്റിറ്റ്യൂട്ടിനായി 450 കോടി രൂപ വായ്പ നല്‍കാന്‍ ജില്ലാ സഹകരണബാങ്ക് തയാറാണെങ്കില്‍ സര്‍ക്കാര്‍ ഇക്കാര്യം പരിഗണിക്കും. മലപ്പുറത്ത് പൊതുമേഖലാ സ്ഥാപനമായ ഇന്‍കലിന്റെ (ഇന്‍ഫ്രാസ്ട്രക്ചര്‍ കേരള ലിമിറ്റഡ്) നേതൃത്വത്തില്‍ കാന്‍സര്‍ സെന്റര്‍ തുടങ്ങുമെന്നും മന്ത്രി പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.