വിവാഹ ഓഡിറ്റോറിയത്തില്‍ കടന്നലിളകി; കുത്തേറ്റ് വരന്റെ അമ്മാവന്‍ മരിച്ചു : Deepika.com Kerala News |

Click here for detailed news of all items

വിവാഹ ഓഡിറ്റോറിയത്തില്‍ കടന്നലിളകി; കുത്തേറ്റ് വരന്റെ അമ്മാവന്‍ മരിച്ചു

Tuesday, May 26, 2015 12:40 AM IST

കായംകുളം: വിവാഹ ഓഡിറ്റോറിയത്തിലേക്ക് ഇളകിവന്ന കടന്നല്‍ക്കൂട്ടത്തിന്റെ കുത്തേറ്റു വരന്റെ അമ്മാവന്‍ മരിച്ചു. വന്നികപ്പള്ളി കൊച്ചുവീട്ടില്‍ മുഹമ്മദ് നാസര്‍ (55) ആണു മരിച്ചത്. ഇന്നലെ ഉച്ചയ്ക്കു പന്ത്രണ്േടാടെ കായംകുളം ജിഡിഎം ഓഡിറ്റോറിയത്തിലാണു സംഭവം.

മൂന്നാം നിലയിലെ ജനല്‍ തുറന്നതോടെ കടന്നല്‍ ഇളകി വരുകയായിരുന്നു. ഈ സമയം വെളിയില്‍ നില്‍ക്കുകയായിരുന്ന നാസറിന്റെ തലയിലും മുഖത്തും കടന്നല്‍ പൊതിഞ്ഞു. മുഖത്തും തലയിലും കുത്തേറ്റ ഇദ്ദേഹം കുഴഞ്ഞുവീണു.

ഉടന്‍ കായംകുളം ഗവ. ആശുപത്രിയില്‍ എത്തിച്ച് പ്രാഥമിക ചികിത്സ നല്‍കി. നില ഗുരുതരമായതിനെത്തുടര്‍ന്നു മാവേലിക്കരയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കടന്നല്‍ക്കുത്തേറ്റു നിരവധിപ്പേര്‍ വിവിധ ആശുപത്രികളില്‍ ചികിത്സ തേടിയിട്ടുണ്ട്. വിദേശത്തായിരുന്ന നാസര്‍ ആറു മാസം മുമ്പാണു നാട്ടിലെത്തിയത്. വന്നികപ്പള്ളി കൊരട്ടികുഴിയില്‍ നവാസും കായംകുളം തുണ്ടയ്യത്ത് വീട്ടില്‍ ഷിഫാനയും തമ്മിലുള്ള വിവാഹമാണു നടന്നത്. വരന്‍ എത്തുന്നതിന് മിനിറ്റുകള്‍ക്കു മുമ്പാണ് കടന്നല്‍ ഇളകിയത്. നാസറിന്റെ ഭാര്യ: ബീന (ഗവ. യുപിഎസ്, കായംകുളം) മക്കള്‍: സഫ്വാന്‍, ഷിബ്ന.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.