ഡിഫന്‍സ് കറസ്പോണ്ടന്റ്സ് കോഴ്സ് തുടങ്ങി
Thursday, August 21, 2014 12:48 AM IST
കൊച്ചി: സതേണ്‍ നേവല്‍ കമാന്‍ഡില്‍ ഒരു മാസം നീളുന്ന ഡിഫന്‍സ് കറസ്പോണ്ടന്റ് കോഴ്സ്(ഡിസിസി) ആരംഭിച്ചു. 31 മാധ്യമ പ്രവര്‍ത്തകരാണു പങ്കെടുക്കുന്നത്. ചീഫ് ഓഫ് സ്റാഫ് റിയര്‍ അഡ്മിറല്‍ എം.എസ്. പവാര്‍ കോഴ്സ് ഉദ്ഘാടനം ചെയ്തു. മാധ്യമ പ്രവര്‍ത്തകരില്‍നിന്ന് സായുധ സേന എന്താണ് ആഗ്രഹിക്കുന്നതെന്ന കാര്യങ്ങള്‍ അദ്ദേഹം വിശദീകരിച്ചു. മിലിട്ടറി റിപ്പോര്‍ട്ടിംഗിന് അറിഞ്ഞിരിക്കേണ്ട കാര്യങ്ങള്‍ കോഴ്സില്‍നിന്നു പഠിക്കാന്‍ കഴിയുമെന്ന് അദ്ദേഹം ചൂണ്ടിക്കാട്ടി. നേവി, എയര്‍ഫോഴ്സ്, ആര്‍മി എന്നീ മൂന്ന് സായുധ വിഭാഗങ്ങളേയും കുറിച്ചുള്ള ക്ളാസുകളാണ് ആദ്യ ആഴ്ചയില്‍ നടക്കുക. പ്രതിരോധ മന്ത്രാലയത്തിലെ ഡയറക്ടര്‍ ജനറല്‍ സീതാന്‍ഷു കര്‍ ആദ്യ സെഷനില്‍ ക്ളാസ് നയിച്ചു. ഹരിയാന, പഞ്ചാബ്, ജമ്മു കാഷ്മീര്‍ എന്നിവിടങ്ങളില്‍ സംഘം പര്യടനം നടത്തും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.