ട്രംപിന്‍റെ യാത്രാവിലക്ക് ;സ്റ്റേ നീട്ടി ഹവായ് കോടതി : Deepika.com International News |

Click here for detailed news of all items

ട്രംപിന്‍റെ യാത്രാവിലക്ക് ;സ്റ്റേ നീട്ടി ഹവായ് കോടതി

Thursday, March 30, 2017 11:29 AM IST

വാഷിംഗ്ടൺ ഡിസി: ആറു മുസ്‌ലിം രാജ്യങ്ങളിൽനിന്നുള്ള യാത്രികർക്ക് യുഎസിൽ പ്രവേശന വിലക്ക് ഏർപ്പെടുത്തി പ്രസിഡന്‍റ് ട്രംപ് പുറപ്പെടുവിച്ച പുതുക്കിയ ഉത്തരവിന് എതിരേയുള്ള സ്റ്റേ ഹവായ് കോടതി അനിശ്ചിത കാലത്തേക്കു നീട്ടി. രണ്ടാഴ്ച മുന്പു നൽകിയ സ്റ്റേ ഇന്നലെയാണ് ഡിസ്ട്രിക്ട് ജഡ്ജി ഡെറിക് വാട്സൺ അനിശ്ചിത കാലത്തേക്ക് നീട്ടിയത്.

ഇറാൻ, ലിബിയ,സോമാലിയ,സുഡാൻ,സിറിയ,യെമൻ എന്നീരാജ്യങ്ങളിൽനിന്നുള്ളവർക്കാണ് യുഎസ് പ്രവേശനവിലക്ക് ഏർപ്പെടുത്തിയിരുന്നത്. ട്രംപിന്‍റെ ആദ്യ യാത്രാവിലക്കിൽ ഇറാക്കും ഉൾപ്പെട്ടിരുന്നെങ്കിലും പരിഷ്കരിച്ച ഉത്തരവിൽനിന്ന് അവരെ ഒഴിവാക്കിയിരുന്നു.

ഹവായ് കോടതി വിധിക്ക് എതിരേ സർക്യൂട്ട് കോടതിയിൽ ജസ്റ്റീസ് ഡിപ്പാർട്ടുമെന്‍റ് അപ്പീൽ നൽകുമെന്നു കരുതപ്പെടുന്നു.ട്രംപിന്‍റെ എക്സിക്യൂട്ടീവ് ഉത്തരവ് മുസ്‌ലിംകളോടു വിവേചനം കാട്ടുന്നതാണെന്നും അതിനാൽ ഭരണഘടനാവിരുദ്ധമാണെന്നുമുള്ള ഹവായ് സംസ്ഥാനത്തിന്‍റെ വാദം കോടതി ശരിവച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.