ബ്ലാസ്റ്റേഴ്സ് ഫുട്ബോൾ ടീം ഉപരാഷ്‌ട്രപതിയെ സന്ദർശിച്ചു : Deepika.com Sports News |

Click here for detailed news of all items

ബ്ലാസ്റ്റേഴ്സ് ഫുട്ബോൾ ടീം ഉപരാഷ്‌ട്രപതിയെ സന്ദർശിച്ചു

Wednesday, November 22, 2017 1:50 PM IST

കൊച്ചി: രണ്ടു ദിവസത്തെ സന്ദർശനത്തിനായി കൊച്ചിയിലെത്തിയ ഉപരാഷ്ട്രപതി വെങ്കയ്യ നായിഡുവിനെ കേരള ബ്ലാസ്റ്റേഴ്സ് ഫുട്ബോൾ ടീം സന്ദർശിച്ചു. ടീമിന്‍റെ ജഴ്സി ഉപരാഷ്‌ട്രപതിക്കു സമ്മാനിച്ചു. കേരള ബ്ലാസ്റ്റേഴ്സ് സിഇഒ വരുണ്‍ ത്രിപുരനേനി, പരിശീലകൻ റെനി മ്യൂലൻസ്റ്റീൻ എന്നിവരടക്കം ടീമംഗങ്ങളും സപ്പോർട്ടിംഗ് സ്റ്റാഫുകളും അടങ്ങുന്ന സംഘമാണ് ഉപരാഷ്‌ട്രപതിയെ സന്ദർശിച്ചത്. കളിക്കാരുമായി ആശയവിനിമയം നടത്തിയ ഉപരാഷ്‌ട്രപതി ടീമിനു വിജയാശംസകളും നേർന്നു.

കേരളത്തിൽ ഗ്രാമങ്ങളിൽ വരെ ഫുട്ബോൾ പരിശീലനം പ്രോത്സാഹിപ്പിക്കുന്നതിനു കേരള ബ്ലാസ്റ്റേഴ്സ് എടുക്കുന്ന പരിശ്രമങ്ങളെ ഉപരാഷ്‌ട്രപതി അഭിനനന്ദിച്ചു. ഫുട്ബോൾ കളി രാജ്യത്തെന്പാടും ഒരു ഭ്രമമായി പടരുകയാണെന്നും ഈ രംഗത്തു കേരളം അതിന്‍റെ സ്ഥാനം ഉറപ്പിച്ചുകഴിഞ്ഞതായും ഉപരാഷ്‌ട്രപതി പറഞ്ഞു. ഇന്ത്യൻ സൂപ്പർ ലീഗ് ഫുട്ബോൾ പുത്തൻ ഉണർവ് ഉണ്ടാക്കി. അന്താരാഷ്‌ട്ര വൈദഗ്ധ്യമുള്ള കളിക്കാരുമൊത്തു കളിക്കാൻ നമ്മുടെ കളിക്കാർക്കു ലഭിച്ച സൗകര്യം അവരുടെ കഴിവുകൾ മെച്ചപ്പെടുത്താൻ സാഹായകമായിട്ടുണ്ടെന്നും വെങ്കയ്യ നായിഡു പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.