National News
ചോദ്യ പേപ്പർ ചോർന്നു ; കരസേന റിക്രൂട്ട്മെന്‍റ് പരീക്ഷകൾ റദ്ദാക്കി
ചോദ്യ പേപ്പർ ചോർന്നു ; കരസേന റിക്രൂട്ട്മെന്‍റ് പരീക്ഷകൾ റദ്ദാക്കി
Sunday, February 26, 2017 11:55 AM IST
ന്യൂ​ഡ​ൽ​ഹി: ക​ര​സേ​ന റി​ക്രൂ​ട്ട്മെ​ന്‍റ് ബോ​ർ​ഡി​ന്‍റെ ചോ​ദ്യ പേ​പ്പ​ർ ചോ​ർ​ന്ന​തി​നെ തു​ട​ർ​ന്ന് പ​ശ്ചി​മ ക​മാ​ൻ​ഡി​ന്‍റെ കീ​ഴി​ലു​ള്ള ആ​റു കേ​ന്ദ്ര​ങ്ങ​ളി​ലെ പ​രീ​ക്ഷ​ക​ൾ സൈ​ന്യം റ​ദ്ദാ​ക്കി. നാ​ഗ്പുർ, ഗോ​വ, അ​ഹ​മ്മ​ദാ​ബാ​ദ്, അ​ഹ​മ്മ​ദ് ന​ഗ​ർ, കാം​പ്ടി, കി​ർ​കി എ​ന്നി സ്ഥ​ല​ങ്ങ​ളി​ലെ പ​രീ​ക്ഷ​ക​ളാ​ണ് റ​ദ്ദാ​ക്കി​യ​ത്. സം​ഭ​വ​ത്തി​ൽ 18 പേ​രെ താ​നെ ക്രൈം​ബ്രാ​ഞ്ച് അ​റ​സ്റ്റ് ചെ​യ്തു. മുന്നൂറിലധികം പേ​രെ ക​സ്റ്റ​ഡി​യി​ലെ​ടു​ത്തി​ട്ടു​ണ്ട്.

രാ​ജ്യ​ത്ത് 52 പ​രീ​ക്ഷാ കേ​ന്ദ്ര​ങ്ങ​ളി​ലാ​യി ക്ലാ​ർ​ക്ക്, സ്ട്രോം​ഗ് മാ​ൻ, ട്രേ​ഡ്സ്മാ​ൻ എ​ന്നീ ത​സ്തി​ക​ക​ളി​ലാ​ണ് പ​രീ​ക്ഷ ന​ട​ന്ന​ത്. ശ​നി​യാ​ഴ്ച ന​ട​ന്ന പ​രീ​ക്ഷ​യു​ടെ ചോ​ദ്യ​പേ​പ്പ​റു​ക​ൾ വി​വി​ധ കോ​ച്ചിം​ഗ് സെ​ന്‍റ​റു​ക​ളി​ൽ വി​ത​ര​ണം ചെ​യ്തി​രു​ന്ന​താ​യി പോ​ലീ​സ് ക​ണ്ടെ​ത്തു​ക​യാ​യി​രു​ന്നു. സെ​ന്‍റ​ർ ന​ട​ത്തി​പ്പു​കാ​രും സൈ​ന്യ​ത്തി​ലെ ചി​ല മു​തി​ർ​ന്ന ഉ​ദ്യോ​ഗ​സ്ഥ​രു​മാ​ണ് സം​ഭ​വ​ത്തി​നു പി​ന്നി​ലെ​ന്നും ഓ​രോ വി​ദ്യാ​ർ​ഥി​യി​ൽനി​ന്നും ര​ണ്ട് ല​ക്ഷം രൂ​പ വീ​തം ഈ​ടാ​ക്കി​യാ​ണ് ചോ​ദ്യ​പേ​പ്പ​ർ വി​ത​ര​ണം ചെ​യ്ത​തെ​ന്നും പോ​ലീ​സ് പ​റ​യു​ന്നു.


നാ​സി​ക്, പൂ​നെ, നാ​ഗ്പുർ, ഗോ​വ എ​ന്നി​വി​ട​ങ്ങ​ളി​ൽ ന​ട​ത്തി​യ റെ​യ്ഡി​നു ശേ​ഷ​മാ​ണ് കോ​ച്ചിം​ഗ് സെ​ന്‍റ​ർ ന​ട​ത്തി​പ്പു​കാ​ർ അ​ട​ക്ക​മു​ള്ള 18 പേ​രെ പോ​ലീ​സ് അ​റ​സ്റ്റ് ചെ​യ്ത​ത്. ഇ​തി​ൽ ഒ​രു വി​മു​ക്ത ഭ​ട​ൻ, അ​ർ​ധ സൈ​നി​ക വി​ഭാ​ഗ​ത്തി​ലെ ഒ​രു ഉ​ദ്യോ​ഗ​സ്ഥ​ൻ എ​ന്നി​വ​രും ഉ​ൾ​പ്പെ​ടു​ന്നു. ചോ​ദ്യം ചെ​യ്യ​ലി​നാ​യി ക​സ്റ്റ​ഡി​യി​ലെ​ടു​ത്ത 350 പേ​രി​ൽ കൂ​ടു​ത​ലും വി​ദ്യാ​ർ​ഥി​ക​ളാ​ണ്. ചോ​ദ്യ​പേ​പ്പ​ർ അ​ച്ച​ടി​ച്ച സ്ഥ​ല​ത്തുനി​ന്ന​ല്ല ചോ​ർ​ന്നി​ട്ടു​ള്ള​തെ​ന്നും വി​ത​ര​ണം ചെ​യ്തി​രു​ന്ന​വ​രി​ൽനി​ന്നാ​കാ​മെ​ന്നും അ​തി​നാ​ലാ​ണ് ഇ​ട​നി​ല​ക്കാ​ർ സ​ജീ​വ​മാ​യി രം​ഗ​ത്തു​ണ്ടാ​യി​രു​ന്ന​തെ​ന്നും താ​നെ ക്രൈം ​ജോ​യി​ന്‍റ് ക​മ്മീ​ഷ​ണ​ർ അ​ശു​തോ​ഷ് ഡും​ബാ​രെ പ​റ​ഞ്ഞു. രാ​ജ്യ​ത​ല​സ്ഥാ​ന​ത്തേ​ത് അ​ട​ക്കം മ​റ്റ് ചി​ല സെ​ന്‍റ​റു​ക​ളി​ലും സ​മാ​ന​മാ​യ ചോ​ർ​ച്ച ന​ട​ന്നി​ട്ടു​ണ്ടാ​കാ​മെ​ന്നും സൈ​ന്യം വി​ല​യി​രു​ത്തു​ന്നു. സം​ഭ​വ​ത്തി​ൽ ആ​ഭ്യ​ന്ത​ര ത​ല​ത്തി​ൽ അ​ന്വേ​ഷ​ണം ന​ട​ത്താ​നും ക​ര​സേ​ന ഉ​ത്ത​ര​വി​ട്ടി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.