ബിരുദ പ്രവേശനം: രണ്ടാം അലോട്ട്മെന്റ് ലഭിച്ചവർ 22നകം മാൻഡേറ്ററി ഫീസ് അടക്കണം
ബിരുദ പ്രവേശന രണ്ടാം അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ചവർ 22നകം മാൻഡേറ്ററി ഫീസ് (എസ് സി/ എസ്ടി 105 രൂപ, മറ്റുള്ളവർ 450 രൂപ) അടച്ചിരിക്കണം. അലോട്ട്മെന്റ് ലഭിച്ച് മാൻഡേറ്ററി ഫീസ് അടക്കാത്തവർക്ക് ലഭിച്ച അലോട്ട്മെന്റ് നഷ്ടമാവും. തുടർന്നുളള അലോട്ട്മെന്റ് പ്രക്രിയയിൽ നിന്നും പുറത്താകുകയും ചെയ്യും. ഒന്നാം അലോട്ട്മെന്റ് ലഭിച്ച് മാൻഡേറ്ററി ഫീസ് അടച്ചവർ വീണ്ടും ഫീസ് അടക്കേണ്ടതില്ല. അലോട്ട്മെന്റ് ലഭിച്ച് മാൻഡേറ്ററി ഫീസ് അടച്ചവർ 22ന് രണ്ടിനകം കോളജിൽ താത്ക്കാലികമായോ സ്ഥിരമായോ പ്രവേശനം നേടണം. ഒന്നാം ഓപ്ഷൻ ലഭിച്ചവരും ലഭിച്ച ഓപ്ഷനിൽ തൃപ്തരായവരും ഹയർ ഓപ്ഷൻ റദ്ദാക്കി, അഡ്മിറ്റ് കാർഡുമായി സ്ഥിരപ്രവേശനം നേടണം. അല്ലാത്തപക്ഷം അഡ്മിഷൻ നഷ്ടമാവും. അഡ്മിറ്റ് കാർഡിൽ പറഞ്ഞ മുഴുവൻ അസൽ രേഖകളും സഹിതമാണ് പ്രവേശനം നേടേണ്ടത്. താത്ക്കാലിക പ്രവേശനം ആഗ്രഹിക്കുന്നവർ അലോട്ട്മെന്റ് കാർഡ് എടുത്ത് പ്രവേശനത്തിനു ഹാജരാകണം. താത്ക്കാലിക പ്രവേശന സമയത്ത് കോളജിൽ യാതൊരു ഫീസും അടക്കേണ്ടതില്ല. എന്നാൽ അലോട്ട്മെന്റ് കാർഡിൽ പറഞ്ഞ രേഖകൾ കോളജിൽ പരിശോധനയ്ക്കായി സമർപ്പിക്കേണ്ടതും പരിശോധനയ്ക്ക് ശേഷം തിരിച്ചുവാങ്ങേണ്ടതുമാണ്. താത്ക്കാലിക അഡ്മിഷൻ എടുക്കുന്നവർ താത്ക്കാലിക അഡ്മിഷനുള്ള അപേക്ഷാ ഫോമിന്റെ സ്റ്റുഡന്റ് കോപ്പി കോളജിൽ നിന്നും സാക്ഷ്യപ്പെടുത്തി വാങ്ങിക്കേണ്ടതാണ്. താൽക്കാലിക അഡ്മിഷൻ എടുക്കാത്തവർക്ക് അഡ്മിഷൻ നഷ്ടമാവുകയും തുടർന്നുള്ള അലോട്ട്മെന്റ് പ്രക്രിയയിൽ നിന്നും പുറത്താകുകയും ചെയ്യും.
പിജി കോഴ്സുകൾക്ക് അപേക്ഷിക്കാനുള്ള തിയതി നീട്ടി
പ്രവേശന പരീക്ഷ മുഖേനയല്ലാത്ത പിജി കോഴ്സുകൾക്ക് അപേക്ഷിക്കാനുള്ള തിയതി 25 വരെ നീട്ടി. വെബ്സൈറ്റ്: www.cuonline.ac.in അപേക്ഷാ ഫീസ് ജനറൽ 265 രൂപ, എസ് സി/എസ്ടി 105 രൂപ. ഫോണ് : 0494 2407016, 2407017.
പ്രൈവറ്റ് രജിസ്ട്രേഷൻ നേടിയവർക്ക് 23 വരെ എസ്ഡിഇ മോഡിലേക്ക് മാറാം
201718 വർഷത്തിൽ പ്രൈവറ്റ് രജിസ്ട്രേഷൻ മുഖേന വിവിധ ബിരുദ പ്രോഗ്രാമുകൾക്ക് (ബിഎ ഉറുദു, ബിഎ മൾട്ടീമീഡിയ ഒഴികെ) പ്രവേശനം നേടിയവർക്ക് വിദൂരവിദ്യാഭ്യാസ മോഡിലേക്ക് മാറുന്നതിന് ആയിരം രൂപ സൂപ്പർ ഫൈനോടെ 23 വരെ ഓണ്ലൈനായി അപേക്ഷിക്കാം. പ്രിന്റൗട്ട് 26 വരെ എസ് ഡി ഇയിൽ സ്വീകരിക്കും. വിവരങ്ങൾ www.sdeuoc.ac.in വെബ്സൈറ്റിൽ. ഫോണ് : 0494 2400288, 2407494.
ബിഎ അഫ്സൽഉൽഉലമ കോണ്ടാക്ട് ക്ലാസ്
വിദൂരവിദ്യാഭ്യാസം ബിഎ അഫ്സൽഉൽഉലമ (2017 പ്രവേശനം) രണ്ടാം സെമസ്റ്റർ കോണ്ടാക്ട് ക്ലാസുകൾ 21, 22, 25, 26, 27, 28 തിയതികളിൽ സർവകലാശാലാ ഡിസ്റ്റൻസ് എഡ്യുക്കേഷൻ സെമിനാർ ഹാളിൽ നടക്കും. ഷെഡ്യൂൾ വെബ്സൈറ്റിൽ. ഫോണ് : 0494 2400288, 2407494.
വിദൂര പഠനം വഴി അഞ്ചാം സെമസ്റ്ററിൽ പുനഃപ്രവേശനം
വിദൂരവിദ്യാഭ്യാസത്തിന് കീഴിൽ ബിഎ/ബികോം/ബിബിഎ/ബിഎസ് സി മാത്സ് (സിയുസിബിസിഎസ്എസ്) കോഴ്സുകൾക്ക് 2013 മുതൽ 2015 വരെയുള്ള വർഷങ്ങളിൽ പ്രവേശനം നേടി ഒന്നും രണ്ടും മൂന്നും നാലും സെമസ്റ്റർ പരീക്ഷകൾക്ക് അപേക്ഷിച്ച ശേഷം തുടർപഠനം നടത്താനാവാത്തവർക്ക് അഞ്ചാം സെമസ്റ്ററിൽ പുനഃപ്രവേശനത്തിന് ഓഗസ്റ്റ് എട്ട് വരെ ഓണ്ലൈനായി അപേക്ഷിക്കാം. ഗസറ്റഡ് ഓഫീസർ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ചലാൻ, നാലാം സെമസ്റ്റർ പരീക്ഷയുടെ ഹാൾടിക്കറ്റിന്റെ പകർപ്പ്, എസ്ഡിഇ ഐഡി/ടിസി എന്നിവ സഹിതം ആഗസ്റ്റ് 16നകം വിദൂരവിദ്യാഭ്യാസ വിഭാഗത്തിൽ ലഭിക്കണം. വിവരങ്ങൾ വെബ്സൈറ്റിൽ. ഫോണ് : 0494 2407356.
പരീക്ഷാഫലം
2017 നവംബറിൽ നടത്തിയ ഒന്നാം സെമസ്റ്റർ എംഎൽഐഎസ് സി (സിസിഎസ്എസ്) പരീക്ഷാഫലം വെബ്സൈറ്റിൽ.
2017 ഡിസംബറിൽ നടത്തിയ ഒന്നാം സെമസ്റ്റർ എംഎ ഹിസ്റ്ററി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 29 വരെ അപേക്ഷിക്കാം.
പുനർമൂല്യനിർണയ ഫലം
അഞ്ചാം സെമസ്റ്റർ (സിയുസിബിസിഎസ്എസ്) ബിഎ/ ബിഎസ്ഡബ്ല്യൂ/ ബിവിസി/ ബിടിടിഎം നവംബർ 2016, രണ്ടാം സെമസ്റ്റർ ബിഎ/ ബിഎസ്ഡബ്ല്യൂ/ ബിവിസി/ ബിടിടിഎം ഏപ്രിൽ 2016, ഒന്നാം വർഷ അഫ്സൽഉൽഉലമ പ്രിലിമിനറി സപ്ലിമെന്ററി ഏപ്രിൽ 2017 പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ.
നാലാം സെമസ്റ്റർ ബികോം/ ബിബിഎ (സിയുസിബിസിഎസ്എസ്)/ബികോം ഓണേഴ്സ് (സിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് ഏപ്രിൽ 2017 പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ.
ഉർദു ഭാഷാ പഠന ക്ലാസ്
ഇസ്ലാമിക് ചെയറിന് കീഴിൽ മൂന്ന് മാസത്തെ ഉറുദു ഭാഷാ സർട്ടിഫിക്കറ്റ് കോഴ്സ് നടത്തുന്നു. ആഴ്ചയിൽ രണ്ട് ദിവസങ്ങളിലായുള്ള ക്ലാസ് ജൂലൈ ഒന്നിന് ആരംഭിക്കും. രജിസ്ട്രേഷന് ഫോണ് : 9746904678.
എക്സാമിനേഴ്സ് മീറ്റിംഗ്
നാലാം സെമസ്റ്റർ ബിഎസ് സി ഫിസിക്സ്/ അപ്ലൈഡ് ഫിസിക്സ് (സിയുസിബിസിഎസ്എസ്) എക്സാമിനേഴ്സ് മീറ്റിംഗിന് തൃശൂർ ജില്ലയിലെ കോളജുകളിലെ അധ്യാപകർ 28ന് എൽത്തുരുത്ത് സെന്റ് അലോഷ്യസ് കോളജിലും, ബിഎസ് സി ഫിസിക്സ് എക്സാമിനേഴ്സ് മീറ്റിംഗിന് മലപ്പുറം ജില്ലയിലെ അധ്യാപകർ 25ന് തിരൂരങ്ങാടി പിഎസ്എംഒ കോളജിലും, ബിഎസ് സി കന്പ്യൂട്ടർ സയൻസ്, ബിസിഎ, ഐടി എക്സാമിനേഴ്സ് മീറ്റിംഗിന് മലപ്പുറം ജില്ലയിലെ അധ്യാപകർ 23ന് സർവകലാശാലാ പരീക്ഷാഭവൻ കണ്ട്രോളറുടെ ഓഫീസിലും രാവിലെ 10.30ന് ഹാജരാകണം.
ഫോഡ് ഫിയസ്റ്റ കാർ വിൽപ്പനക്ക്
ഉപയോഗിക്കുന്ന 2007 മോഡൽ ഫോഡ് ഫിയസ്റ്റ ഡീസൽ കാർ വിൽക്കുന്നതിന് ക്വട്ടേഷൻ ക്ഷണിച്ചു. ക്വട്ടേഷനുകൾ ജൂലൈ ഏഴിന് വൈകുന്നേരം നാലിന് മുന്പായി ലഭിക്കണം. പരസ്യലേലം ജൂലൈ 12ന് രാവിലെ 11ന് ഇൻസ്ട്രുമെന്റേ്ഷൻ വിഭാഗത്തിൽ നടക്കും. വിവരങ്ങൾക്ക്: 0494 2407401.
സ്പോർട്സ് കോണ്വൊക്കേഷൻ 23ന്
സ്പോർട്സ് കോണ്വൊക്കേഷൻ 23ന് കാന്പസിലെ സെമിനാർ കോംപ്ലക്സിൽ വെച്ച് നടക്കും. അഖിലേന്ത്യാ അന്തർ സർവകലാശാലാ ജേതാക്കളായ കാലിക്കട്ട് സർവകലാശാലാ താരങ്ങൾക്കും പരിശീലകർക്കും ചടങ്ങിൽ പുരസ്കാരങ്ങൾ സമ്മാനിക്കും. സർട്ടിഫിക്കറ്റ്, ക്യാഷ് അവാർഡ്, മികച്ച കോളജുകൾക്കുള്ള ട്രോഫി എന്നിവയുടെ വിതരണോദ്ഘാടനം മന്ത്രി ഡോ. കെ.ടി. ജലീൽ നിർവഹിക്കും. മൊത്തം 12,59,000 രൂപയുടെ പുരസ്കാരങ്ങളാണ് നൽകുക. മുൻ കായിക അധ്യാപകരെയും ആദരിക്കും. സർവകലാശാലയിലെ അടിസ്ഥാന കായിക സൗകര്യങ്ങൾ വികസിപ്പിക്കുന്നതിനുള്ള പ്രോജക്ടുകളുടെ പ്രകാശനവും 23ന് നടത്തും. ഹോക്കി, ഫുട്ബോൾ, വോളിബോൾ, ബാസ്കറ്റ് ബോൾ സിന്തറ്റിക് കോർട്ടുകളും പുരുഷവനിതാ സ്പോർട്സ് ഹോസ്റ്റലുകളും പ്രധാന പ്രോജക്ടുകളാണ്.