2017 മാർച്ചിൽ നടത്തിയ രണ്ടാം വർഷ എംബിബിഎസ് പരീക്ഷാഫലം പ്രസിദ്ധീകരിച്ചു. ഉത്തരക്കടലാസുകളുടെ സൂക്ഷ്മപരിശോധനയ്ക്കും പുനർമൂല്യനിർണത്തിനും മാർച്ച് ഒൻപതുവരെ അപേക്ഷിക്കാം.
ബിപിടി ഫലം
2017 മേയിൽ നടത്തിയ എട്ടാം സെമസ്റ്റർ ബിപിടി പരീക്ഷയുടെ ഫലം പ്രസിദ്ധീകരിച്ചു. ഉത്തരക്കടലാസുകളുടെ സൂക്ഷ്മപരിശോധനയ്ക്കും പുനർമൂല്യനിർണയത്തിനും മാർച്ച് ഒൻപതുവരെ അപേക്ഷിക്കാം.
എംഎസ്സി പ്രാക്ടിക്കൽ
2017 ഓഗസ്റ്റിൽ നടന്ന രണ്ടാം സെമസ്റ്റർ എംഎസ്സി ബയോഇൻഫർമാറ്റിക്സ് പരീക്ഷയുടെ പ്രാക്ടിക്കൽ പരീക്ഷ 26ന് നടത്തും. വിശദവിവരം കോളജിലും സർവകലാശാല വെബ്സൈറ്റിലും ലഭിക്കും.
ബിഎസ്സി ഫലം
2017 ഒക്ടോബറിൽ നടന്ന ബിഎസ്സി (ആന്വൽ സ്കീം) പാർട്ട് മൂന്ന് മാത്തമാറ്റിക്സ് മേയിൻ പരീക്ഷാഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും മാർച്ച് 21വരെ അപേക്ഷിക്കാം.
പി.ജി പ്രവേശനം
കേരള സർവകലാശാലയുടെ കീഴിലുള്ള വിവിധ കോളജുകളിൽ 2017ലെ പി.ജി പ്രവേശനത്തിനായി ഓണ്ലൈനായി അപേക്ഷിക്കുകയും, സ്പോട്ട് അഡ്മിഷനിലും സീറ്റ് ലഭിക്കാതെയുമിരുന്ന അപേക്ഷാർഥികൾക്കുമാത്രമായി സർവകലാശാലയുടെ വിദൂരവിദ്യാഭ്യാസകേന്ദ്രം 201719 ലേക്കുള്ള പി.ജി കോഴ്സിലേക്ക് അപേക്ഷിക്കാൻ പ്രത്യേക അനുമതി നൽകിയിരിക്കുന്നു. നിർദിഷ്ടയോഗ്യതയുള്ളവർ സർവകലാശാല ആസ്ഥാനത്ത് പ്രവർത്തിക്കുന്ന വിദൂരവിദ്യാഭ്യാസ കേന്ദ്രവുമായി 28ന് മുൻപായി തന്നെ ബന്ധപ്പെട്ട് അപേക്ഷ നേരിൽ സമർപ്പിക്കണം. മറ്റ് വിവരങ്ങൾ വെബ്സൈറ്റിൽ ലഭിക്കും.